هي جلسه مبدأيه لأتعرف عليك , نناقش فيه تاريخك الصحي و أفهم مشاكلك و نشوف أهدافك الصحيه اللي حابيه نشتغل عليها بالبرنامج و كيف ممكن اساعدك فيها
هي جلسه حبًيه بسيطه بدون تكلف و رسميات اعتبريها سوالف , برسل لك وقتها نموذج للفورم حق التاريخ الصحي , جاوبي عليه بكل اريحيه و صدق مابي مثاليات , بالواقع أبيك تكونين كل البعد عن المثاليه أبي تطلعين عيوبك و نقاط ضعفك عشان نعرف نشتغل عليها و تطلعين من البرنامج بأفضل نتيجه
ممكن تجاوبين عالفورم بالوورد أو أي برنامج أو تطبعينها و تصورينها لي أو تعملين لها سكان و ترسلينها لي مره ثانيه عادي اللي متاح لك
الجلسه مافيها إعطاء حلول , هي فقط لحجز مقعدك للبرنامج اللي ممكن نشتغل عليه و أنا وقتها بدرس مشاكلك لنشتغل على حلها في البرنامج
اللقاء بيكون أون لاين على google meets مايحتاج منك تحميل أي برنامج قبل دام عندك تطبيق جيميل , اذا ايميلك بغير الجيميل مافيه مشكله بعد رح ارسل لك رابط الاجتماع
إذا انتي عندنا بالخبر مافيه مانع يكون لقاءنا مباشر كذلك في أي مكان
بيوصلك الفورم عالايميل
بعد ماترسلينه لي رح نتفق على وقت اللقاء
المبلغ فقط لإثبات الجديه و حجز المقعد و غير مسترد