القصة

في البداية، كانت التجربة مليانة حماس … أول اشتراك في النادي، أول تمرين، وأول مرة تشوف الأجهزة قدامك.

لكن بسرعة تحوّل الحماس إلى حيرة .

كل واحد يعطيك رأي. تمرين الصدر لازم تبدأ فيه، لا بل الأرجل أهم. جدول خمسة أيام، لا ثلاثة تكفي.

لا تأكل رز، لا بالعكس كل كثير.

تدخل تيك توك تطلع بلخبطة، تدخل اليوتيوب تلقى محترفين يتكلمون كأنهم يخاطبون ناس لهم سنين تتمرن .

ومن هنا بدأت الفكرة:

ليش ما يكون فيه مصدر واحد، واضح، يخاطب المبتدئ بلغة يفهمها؟

مكان بسيط يشرح لك:

– كيف تبدأ؟

– وش اللي تحتاجه فعلًا؟

– وش الغلطات اللي ممكن تضيع تعبك؟

– وكيف تبني جسمك بدون لا تصاب، ولا تحبط، ولا تمل؟

الموقع هذا ما أنشئ عشان يتفلسف، ولا يتفاخر، ولا يعرض صور عضلات ضخمة

انطلق من حاجة حقيقية: كثير ناس بدأوا يتمرنون وتركوا لأنهم ما فهموا اللعبة من أولها.

الهدف كان واضح: نساعدك تبدأ بداية صح

المحتوى اللي هنا يخدم فئة محددة جدًا:

اللي توّه مشترك في النادي، أو ناوي يشترك، ويبغى يعرف الأساسيات قبل ما يضيع وقته.

اللي حاب يطوّر جسمه، بس مو عارف يفرّق بين الجدول الزين والجدول السيء.

اللي يبغى يشتغل على نفسه، بس بدون تعقيد، وبدون تحسّب لكل غلطة.

هذا المتجر ما يبيع وهم، ولا يعطيك وعود سريعة

يعطيك الطريق مثل ما هو: واقعي، بسيط، ويبدأ من الصفر.

هنا تبدأ، وهنا تكتشف إن كمال الأجسام ما هو صعب… إذا فهمته صح من البداية.