الشكر موصل لله اولآ ثم للكوتش منال وطاقم العمل ..
نزلت 13 كيلو ماشاء الله ..♂️☑️
قبل : 88 كيلو
الان : 75 كيلو ♥️
وانتهى اشتراكي ومستمره رياضه فالبيت
والحين جدد معكم 3 شهور وبرجع باذن الله ♂️
حقيقي ما استهبل حياتي مره صايره حلوه ومرتبه النادي صدق مره حلوو ويعطيني طاقه ايجابيه دايم مو مثل قبل طول الوقت بالبيت ومافيه شي اسويه غير انه صدق يفرح خلاص يكون عندك شي محدد بيومك تسوينه وترجعين منه تحسين طلعتي كل طاقتك ترجعين وتنامين ♥️
يونس الشعوررر واحس اني ابي استمر لين اوصل للوزن المثالي متحمسه لليوم الي اقدر البس كل الي خاطري فيه وما اخاف او اتوتر اذا طلعت ادور لي لبس بس صدق هالمره بسويها وبوصل لشي الي ابيه صح الشي متعب بس النتيجه بتكون حلوه ودايم خلو ببالكم ما فيه شي مستحيل وحطو ببالكم
" وإن ليس للأنسان إلا ماسعى .."
من هذه الاية الكريمة بدأت طريقي ووصلت الى هدفي ستة أشهر عشت فيها معكم أيام جميله بالتحدي والمنافسات لأجل الوصول الى ما اريد ستة أشهر خسرت فيها 11 كيلوا ،، ستة أشهر عزز لي النشاط البدني الذي كنت امارسه بالنادي من تخفيف ضغوط عملي اثناء انتاج الاندروفين الذي يجعلني اشعر بالسعادة دائماً الحمدلله الذي ارضاني بهذا الوضع والحمدلله إني راضيه أتم الرضى على حالي وشكلي ووزني طبعاً بعد فضل الله ثم فضل مشرفات فاضلات قائمات عالتنظيم والنصائح واخوات بالنادي ادخلوا روح المنافسه بيننا بكل حب ايضاً شكر موصول لمشرفة النادي كوتش منال على هذا النادي الجميل ..
كلمتي لكل من يقرأ أحرفي ان كنتي تريدي النجاح في جميع امور حياتك ثقي بالله ثم بنفسك وتجاهلي من يقول هذا صعب هذا مستحيل الثقه بالله هي عقلية العظماء ورددي دائماً انا استحق الافضل وسأحصل عليه لاتستسلمي للكسل والمحبطين فأنتي مدينة لنفسك بإيصالها الى حيث تستطيعي ان تصلي انتي مدينه لنفسك بأن تصبحي عظيمة نفسك أولى بوقتك وأحق بطاقتك انشغلي بنفسك وابحثي عن ماينميها ويجعلها أفضل في كل مرة ركّزي عليها أحبيها واعطيها كل ماتستحق كافيئها عند الانجاز كلما اسقيتيها من مائك كلما نمت أمامك لتصبح بهية مُبهجة جميلة نيرة تنير لك حياتك وحياة كل من يحبك ..
من الأعماق الف الف الف شكر لكم جميعاً كوتش منال كوتش خلود ريم افراح زهراء راجعين معاكم بكل حب ودمتم بخير ..
أبلغ من العمر 44 عام اسرد قصتي هذي وانا كلي اعتزاز بهذي التجربه التي مررت بها كانت مرحله انتقاليه جميله جدا لحياتي بعد مامررت بفتره قاسيه مليئه بالهم والمرض والحزن وارادت مشيئه الله في يوم من الأيام أن اذهب لذلك النادي الذي لااعرف عنه شي سوا أن ابنتي تريد الأشتراك فيه وذهبنا انا وابنتي ل أشترك لها و عندما دخلنا النادي وجدت طاقم رائع وتعامل راقي من الجميلات ريم وأفراح ولم يخطر ببالي أن اشترك وبعد تشجيع من ريم أن اشترك وسبحان الله اشتركت وكانت بدايه سعيده لتغير حياتي وصحتي والحمدلله هااه أنا الأن لي 6 شهور وانجزت كثير ورجع شغفي للحياه وراحه نفسيه وجسديه قبل كل شي فعلا الرياضه طاقه ايجابيه وتغيير ذات وثقه بالنفس وشعور لايوصف عندما تجدين نفسك سعيده وراضيه عن كل شي كنتي تتمنين أن يكون بحياتك والشكر لله ثم لصاحبه اجمل نادي الجميله كوتش منال واشكرها على اجمل طاقم الكوتش خلود احن قلب وريم وأفراح أصحاب الابتسامه الجميله الي يستقبلونا بكل حب وطاقه ايجابيه والباريستا زهراء صانعه افضل قهوه اشكركم من اعماق قلبي وأتمنى لكم المزيد من التقدم والانجازات في نادي الجسم والروح والسعاده ذالك النادي الذي يعجز الكلام عن وصف سعادتي واعتزازي بأني إحدى المشتركات لأنني حققت حلمي ووصلت لي اشياء لم اتوقع الوصول إليها
بكتب قصتي مع نادي الجسم والروح فعلا هو اسم على مسمى لاني صدق لقيت نفسي وذاتي بعد ماشتركت بالنادي كنت قبل اشترك فيه روتيني ووزني ونومي واكل كله متلخبط سهر واكل غير صحي وكوفيهات وحلويات لاني كنت محبطه من وزني ومو قادره انزله لدرجه بطلت اشتري ملابس جديده لان كنت اشوف حتى اللبس مايليق علي وللمعلوميه انا ساكنه قريب من النادي لاكن كل مره اقول بشترك واجل للشهر اللي بعده لين مره صارلي موقف غير مجرى حياتي وهو تعليق من وحده عن شكلي اني لو كنت نحيفه كان شكلي افضل بكثير حسيت الكلمه شجعتني اكثر من انها ضايقتني وبدون تردد وع طول رحت اشتركت بنادينا الجميل وشجعني اكثر تعاملهم ولطافتهم واستقبالهم ماشاءالله عليهم النادي شكليا يشجع اول ماتدخلي تحسي براحه وانسجام ودخلوني للوزن طبعا اول ماشتركت كان وزني 73وبديت مع الكوتش الجميله خلود اول كلاس والقروب ماشاءالله يحمس وكلهم يحاولون يساعدوني بما اني جديده وبدا معي الحماس من اول يوم لاخر يوم الحمدلله لاني شفت نتايج جمييييله تشجعني استمر الكلاسات متنوعه والكوتش تشجعك تستمري صراحه خبرتها وذكاءها خلانا نستمر ونوصل لافضل النتايج صارلي ست شهور مشتركه والحمدلله تغيرت 180درجه نومي تغير وبطلت سهر واكلي تغير لنظام صحي وحياه صحيه ونقصت 10 كيلو للان ربي لك الحمد وتناسق جسمي بطريقه جميله ونفسيتي وثقتي بنفسي رجعت ولله الحمد لان تمارين المقاومه مع الكارديو تبني عضل وتخسري دهون بنفس الوقت واخر شي انصح كل وحده مو راضيه عن جسمها انها تشترك بنادي وتبدا مرحله السعاده معانا ومستحيل تندم متاكده من كلامي اهم شي العزيمه والاصرار ع التغيير بتوصلي لاكثر مما تتوقعي وصراحه وحشني النادي ولنا عوده بعد العيد مع نادي الروح والجسد باذن الله
الصراحه انا خشيت النادي بعد ما يئست ان وزني ينزل لان سنوات وانا احاول اني اخسر وزن ان خسرت كيلو و اثنين و ارجع دبلها .. و مافي شي يساعدني لا برامج اليوتيوب ولا المشي المستمر كل ذي فتره و الواحد يمل لان انا من الناس اللي تحب التشجيع وتحب العمل الجماعي ،بديت في النادي ووزني( 81 ) رغم انهم قالو لي كثير ترا خساير و ما بتستمرين واول اشتراك لي على اساس بس تجربه لو بستمر او لا اشتركت شهر واحد و من ثاني اسبوع مددتها لثلاث اشهر .. لان فعلا النادي اسم على المسمى للجسم و الروح كميه الطاقه الاجابيه بعد الكلاسات تخليك تبي بعد تتمرن عكس مليون بالميه عندك تمارين البيت و انتي لحالك ، نزلت بالثلاث اشهر هذي 10 كيلو و قربت للوزن المثالي و جددت اشتراكي بس اختلف هدفي لهالتجديد بالبدايه كنت ابي اخسر وزن فقط ، الاشتراك الثاني جددت لان حبيت الروتين و برضو خساره و بني عضل حاليا انا مع النادي لي 7 اشهر وان شاء الله بستمر ، خسرت مع النادي 14 كيلو ووصلت لوزني المثالي بفضل الله ثم فضل النادي حقيقه اشكركم والحمدلله اني خطيت هالخطوه و ما انسى فضل البنات و ارشاداتهم معنا بالصاله ولا فضل الكوتش منال و خلود اللي يجلدونا ولا يبالون
مصابه انيمياء منجليه وعندي تاكل في مفصلين في الكتف والورك والدكتور نصحني بالعلاج الطبيعي والرياضه لتفادي مخاطر العمليه لتغير المفصل وكنت متردده من دخول النادي وفي اخر لحظه قررت اشترك لبناء العضل وتقويه مفاصلي والحمدلله ربي كان معايه في اختياري لافضل واحن قلوب بالدنيا وعاملوني بعنايه فائقه والعضل تحسن عندي كثير كان عندي 10 ونص والان واصله 18 وكله بفضل الله وثم وفضل الكوتش خلود والكوتش منال النفسيه شي ثاني من اسلوب وترحيب وتعامل الموظفات وبالاخص ترحيب افراح يرد الروح ربي يبارك لك في رزقكم يارب
طبعاً المعروف لايعرف نادي يتكلم الانجازات فيه قبل نتكلم عنه طبعاً انا كنت اعاني من النحافه واذا زاد وزني كان يزيد دهون بس مايعجبني لانه يزيد في مناطق معينه وبعدها قررت اني اجرب اشترك معكم في نادي الجسم والروح وماندمت ابداً ومن بعدها صرت م استغني عنه ابد و م احكي لكم عن الفرق الشااسع اللي صار بجسمي حرفياً لما اشوف صوري القديمه م اصدق ان هذي انا بفضل الله ثم بفضل الكوتش والنادي الرهيب زاد العضل في جسمي والحمدلله وصار مرتب ومتناسق بشكل لايوصف الحمدلله وزدت فيه 7كيلو ♥️من وزن 39 الى وزن 46 هذا من غير التحسن اللي صار بنفسيتي وجمال تعاملهم مع المشتركين حقيقي اشكركم فريق Gym soul and body
تحيه طيبه لك كوتش منال كل الشكر لك على اهتمامك المستمر ودعمك الغير محدود طبعا بالنسبة لتجربتي في (نادي الجسم والروح ) بصراحه استفدت كثير جداً اكثر مما كنت اتخيل ، اول فائدة هو الحاله النفسيه تغيرت معي تمام واصبحت انسانه هاديه جدا لان الحصه اللي اقضيه في النادي والتمارين هي تفريغ للطاقة السلبيه وثانيا نقص وزني اكثر من 15 كيلو كنت 72 واصبحت الحين 57 كيلو نزلت عندي نسيه الدهون الضاره
ونزلت عندي نسبه الكلسترول والفضل يعود لكم بعد الله لتشجيعكم لي ورفع معنويتي والان اقول انه من افضل القرارات اللي اتخذتها في قراري هو الرياضة شكرا لكم
خسارة الوزن اساسها الاقتناع وليس الإجبار!
مهما حاولت بدون اقتناع منك م راح تقدر توصل لاي هدف من اهدافك ، بداية دخولي النادي كنت مقتنعه اني قادره انزل من وزني واغير من شكلي والاهم احسّن من صحتي ، بس لما طلعت ع الميزان وشفت وزني حسيت ب احباط شوي حسيت نفسي بديت شوي اتراجع ! بديت افكر وبكل قناعه قلت ليش م اجرب لو 3 شهور بس واشوف اذا كانت النتيجه مرضيه كملت ، اول مابديت قطعت المقلي نهائيًا واستبدلته بالمشوي ، المشروبات الغازيه استبدلتها بالغازيه زيرو ، م كنت احرم نفسي ابدًا وهذا الشي اللي مخليني استمر ، طبعًا بعد الـ 3 شهور وزنت الا وزني ناقص 11 كيلو ، لكم ان تتخيييلو الفرحه كيف كانت ! بعدها قلت الحمدلله قدرت احول الاحباط لقناعه وواصلت لهدفي ، وحابه اقولكم نزلت 23 كيلو بفضل من الله ثم نادي الجسم والروح
بامانه والله العظيم دخلت النادي وانا وزني 70 كيلو واقل من شهر وصل وزني 66 الان وقفت في رمضان لاكن يشهد الله ان وزني زي ماهو اول اسبوعين كنت منتظمه امشي على السير 3الف خطوه واحضر التمارين يوميا" وماشيه على جدول التخسيس وبعدها اغيب يوم يومين واحضر جسمي انشد افضل من اول ماشاءالله الكل لاحظ عليا بإذن الله بعد رمضان رح اجدد اشتراكي ماقدر اتخلى عن النادي لاني فععلا" استفدت وكثيير والله الا بتدخل مراح تندم بالعكس رح تكون راااضيه ومبسوطه جدددا" الشكر يرجع لله ثم لكم جميعا"
كان دخولي النادي اجمل قرار واحلى تجربه في حياتي النادي اعطاني طاقة إيجابية وكل الطاقم يفتحون النفس اشتاق لهم كثير بصراحه اشعر انهم عايلتي الثانيه احس نشاط حيويه ثقه بي النفس تحسين انك تصغرين 20 سنه بختصار الرياضه تعطيك ثقه بي النفس سعاده والحمد لله نزل وزني من 80 الي 63 وان شاء الله مواصله حتى وزن 53 المثالي بإذن الله اتمنى تجربتي تعطي ضوء امل لي اي بنت متحطمه وتشعر انها مستحيل توصل لهدفها
فقدتكم والله من كثر ماانبسطت معاكم عمري وحياتي مقد دخلت نادي ولا دخلت اي شي ثاني اول تجربه لي نادي الجسم والروح حياتي كلها لاهية في البيت والعيال ودخلت وانا نفسيتي مره وانبسطت مع الكوتش خلود وافراح وزهرة وريم والكوتش منال المحها من بعيد تدخل القلبلازم اتمرن معاها بعد العيد فعلا"نفوسهم حلوه ومتواضعين جدا" يدخلون القلب كلهم ،اشتراكي كان 3 شهور وخلالها نزل وزني حول ال9 كيلو والحمدلله واشتركت من جديد برجع بعد العيد مشتاقه لكم كثيييير ومتفائلة جدا"إني بحقق إلي اتمناه أحبكم في الله ♥️♥️
النادي جزء لايتجزء من حياتي دخت النادي وانا وزني 78 الحمدلله ب الاراده والعزيمه وجهودكم بعد الله وصلت لوزن مثالي وزني الحمدلله 58 وماانسى الفضل لله ثم بفضل الكوتش منال والكوتش خلود وافراح الي تستقبلك بضحكتها الي تشرح القلب والخاطر والتحفيز الصدق منا قادره اوصل لكم الشعور والاحساس الي انا حاسه فيه لكن مره مره شكرا لكم انا الي وصلت له بفضل الله ثم جهودكم ♥️♥️♥️♥️
بناء عضل وزني السابق 45 وزني الحالي 52 حقيقي النادي غير حياتي ونفسيتي 180 درجه قبل لايغيير شكلي مبسوطه مره بالنادي ،خدمة العملاء عندهم جدا راقيه وهذا سبب استمراري فيه
اشكرك من كل قلبي على هذا النادي والله العظيم اول ماكنت راضيه عن شكل جسمي مره وحالياً ولله الحمد انجزت كثير وراضيه كل الرضاء مبسوطه مره في لبسي وفي شكلي ومبسوطه من مقاساتي والفرق الي صار بين اول وحالياً الله يسعدك يارب وفعلاً النادي تغييير نفسيه مااصدق ويجي وقت النادي عشان اروح فعلاً يطلع كل الطاقه السلبيه الي في الواحد ويروح البيت وهو مبسوووووط مره الله يسعدك يارب
جد جد وجودكم اكبر تحفيز لنا في النادي بالنسبه لي احس تعودت على النادي وصار عندي روتين سعاده مع اني ارجع من دوامي ميته نوم لكن بمجرد ما اتذكر انه لازم اطرد طاقتي السلبيه من ضغط الدوام واحسن نفسيتي بالرياضه ادخل باب النادي وسبحان الله عشوائي يزول التعب والله غير وزني اللي تمنيت اوصل له والدهون اللي ودعتها بفضل الله ياربي لك الحمد والشكر ..
لا توجد أسئلة بعد